Eyene Mama anga be gningi fò ai nlòb kòs. Amos di, ndò anga man komezan na ake a nlòb oswé dzoé na Emin bodo. Akoui anga koui oswé, anga yen ha ne bidim bi bele gnié, amou ye na nlòb te ge fò bi kòs tò afiange ne bò ya.

Ane abog dò la ke, sòm enga bi fò gné na, mfi o ne na asob a dzal. Amane fò nòng ohili na asob, ve da, nnem odougan gné sogolo na andougne woua nlòb. 

Anga dougan woua nlòb, a tetem na nlòb onga lindi gné ai ngoul ese. Mintage midzié fò gné a nnem a ne man ozele na azou sob a dzal ai ngoul dzié ése. Ve da dzi ya kane kelede nlòb : ebebeg kòs etoa nyaman nyaman ai bikidga bise na éman boumban a ndouan maga.

« Ekié za kan eyeng dzam ! Za kan nkam nkamga dzam ! Za kan asimba dzam ! » Eyene Mama anga sili Fò emen minsili na : ndouan fé ene dzam yong aswé ? Mininga mfé ane dam ke yam aswé ete ai ndouan maga ? Ai bikidga bi ane asouas nala ? Minisili mi ai mife mi sous fò gné wouang a gnol. E dzam eligi gne na abò, enga be he naatoub ai mbil aligi biem bise oswé wé ai kòs asimba.

                                                                                        (Jean Marie Mboudou)